Siña konose Señor

Señor ta bon, E ta un fórti den tempu di angustia;
un refugio pa tur ku skonde serka dje. Nahum 1 :7

Loke Abo ta pensa di Dios, tin hopi influesha riba e restu di bo bida. Si bo ta kere ku Dios ta bon, anto lo bo por jega den tur konfiansa serka Dje den tempu di angustia. Pero si bo no ta kere ku Dios ta bon, anto lo bo bai buska judansa serka hende i den kosnan di mundu. Lo bo ripara un dia ku ni hende ni kos no ta jena e bashi i e orey podise lo bo bai bek i buska konsuelo serka Dios. Señor ta bon, E ta juda den tempu di angustia, E ta un refugio pa tur ku ta konfia riba Dje ( Nahum 1:7)  Dios sa presies ken ta konfiele y ken no.

E berdád aki tin dos banda.  Pa di promé : kiko Abo sá i ta kere tokante di Dios
Pa di dos kiko Dios sá tokante Abo
Den tempu di angustia i nesecidad hopi hende ta jega na e konklushon ku nan Fé no ta grandi manera ku nan a pensa, i sin fé of si bo no ta kere suficiente den Dios bo no por jega serka di Dje. I esaki no ta motibu di legria p’E
‘’ Si un hende no ta kere den Dios, ta imposibel pa e hasi loke dios ke. Pasobra es ku ke bai serka Dios, mester kere ku E ta eksistí i ku e ta rekompensá esnan ku ta busk’E. 
He breonan 11 :6

Shon-nan  bo ta biba asina okupá ku otro kosnan i bo a neglishá bo bida spiritual ? tin momentonan ku bo ta pensa “ mi no tin tempu ni pa mi mes” ? Awel si ta asina,.. a bira tempu pa bo trese un cambio den e patroonchi di bida ey. Si ta posibel awe mes. Tuma  bo beibel na man i buska Su palabra, buska pa bo konosé su promesanan ku E tin pa bo i sá ku E ta bon.

Siña konosé Dios ya ora bo hanjabu den tempunan dificil, E por bisa;

MI yu bini Mi konosebu...