Titulo: Mi tin tempu ahinda
E historia aki ta asina profundo
Ningun arma formá kontra mi hamas lo prosperá.

Mi nòmber ta Tammy. Esaki ta mi historia. Mi ta kombèrtí ora mi tin
tempu. Mi a nase 1 di januari 1964, segun mi tabata krese SENJOR a tene su
man riba mi. E la kurami for di polio, i awor mi por kana meskos ku abo. Danki Hesus. E la sinjami malu for di bon. Mi ta kere ku mi ta kombèrtí ora mi tin 30 anja. Mi tin tempu ahinda.Mi a kai den droga, E la sakami bèk.

Danki Hesus.Mi a sali na estado, mi a sklama na SENJOR. E la dunami un kasá.Mi a bisa mi mes, ora mi hasi 30 anja mi ta kombèrtí, mi tin tempu ahinda!Mi a wòrdu tirá den lomba, dòkternan a bisa mi, ku lo mi no bin kana mas.Mi a yora atrobe na Hesus pa dos anja largu. Awor mi ta kore i bula, mi ta supose di ta salbá awor. Nò, mi ta warda te ku mi 30 anja. Mi tin tempu ahinda. Mi no tabatin kuminda den mi kas. Mi yunan tabatin hamber.

Mi a pidi SENJOR dunami un solushon. Djis despues mi bèl di porta a bai.E hòmber di UPS ta na porta. E la trese un karta pami. Mi a drenta kas kantando. Mi a habri e karta.Tabata un chèk di $50. Danki Hesus. Atrobe mi a bolbe primintí ku ora mi hasi 30 anja lo mi kombertí. Mi tin tempu ahinda. Mi ta lesa Beibel. Mi sa tin konosementu SENJOR. Ami kunE tin u kaminda largu tras di lomba. Mi tin tempu.Ta Djasabra, anochi.

Mi ta bai sali. Mi ta bai dibèrtí mi mes un ratu. Mi a pone e muchanan drumi. Ora mi tabata saliendo, mi a mira mi ruman muhé ta kore bini den mi direkshon. E la bisami ku un di mi yunan tabata hunga ku lusafè i e la kima. Atrobe mi a yora i sklama na SENJOR. SENJOR, SENJOR, Skuchami orashon.
Yudami SENJOR.

I E la hasié. E no a kita mi yu. Kinderbescherming no a kita mi yu fo´i mi.Sigur sigur mi ta kombèrtí ora mi tin 30. Mi kanser a disparse. Mi kurpa a kura. Alabá sea SENJOR. Mi tin tempu. Mi tin 30 awor. Awe nochi ta mi lastu anochi di biba un bida insigur. Bosa kiko? Mi kumpleaños ta kai riba Djasabra.

Tòg Djadumingu mi ta bai misa pa alabá SENJOR.Kon ku bai bin aworaki ahinda ta Djasabra.... mi ta disfrutando asina dushi den mi kurá di kas patras. Nan a tirami den e swimmingpool. Mi a sinti un timer den mi kabes. Tin un kos ta pasando kumi. Kiko ta robes? Mi no sa. Mi ta mira lus. Tin yen hende rònt di mi, pero mi no por papia. Mi a sklama na SENJOR. Mi a bisa, SENJOR kuantor tin?
Aworaki tin 11:55. Pero mi n´konosé bo stèm. Ken bo ta?

Mi nòmber ta lusifer. Mi no stima, mi no gusta, solamente mi ke bo alma.Kada bes ku mi a bini pabo, SENJOR ta bisami nò. Un hende tabata resa pa bo, asina ta ku mi a planta un simiya den bo, pa bo pensa ku bo tin tempu. B´a mira, mi ta intiligente, mi ta shushi, i mi ta e mihó ganjadó ku tin. Tammy a muri 31 di Desèmber 1993.

Sinku minùt promé ku e hasi 30 anja. Awor bisami; BO TIN TEMPU? Nos tin e tendensia di kere, ai, mi ta bai misa tur Djadumingu tòg. SENJOR ta keda kontentu ku mi. No sea hipókrita, pasobra nos ta bai misa pero nos no ta habri e Beibel i buska pa sa kiko Dios ta rekerí di nos i praktikánan den nos bida. Tur hende ke wòrdu salbá, pero mi shon, kon nos por wòrdu salbá si nos no ke stòp ku e bida mundano, pa biba un bida kristian den SENJOR.

Nos gusta fiesta,kore paranda, bebementu, bistimentu, papia
Palabranan bulgar, insolente i hasi redu, biba otro su bida, atendé ku kosnan malu I gana plaka fasil, plaká maldishoná. Nos no ke laga e kosnan aki para. Anto ta asina nos ke wòrdu salbá? Tur e kosnan aki ta kos nan di mundu esei ta nifiká ku satanas ta aplaudí e tipo di kosnan aki. E ke gana nos alma pa medio di esakinan.

Meskos ku e la planta e simiya den Tammy , pa e keda pensa ku e tin tempu ahinda, meskos e ta pone nos gusta loke nos ta hasi,ya asina nos no ta stòp.  Satanas por tin hopi poder riba nos, si
nos lagé. LANTA FOR DI SONJO! rumanan. Promé ku ta lat. Bo no por sirbi dos dios, sea bo ta ku Dios Tata Todopoderoso of bo
ta ku e ganjadó mayó.

No hasi manera e mucha muhé den e historia aki, ku a hanja hopioportunidat p´e la salba su alma i tòg ta sinta warda te dia e hasi 30 anja pa e kombèrtí keriendo ku e tin tempu ahinda. Tin un palabra ta bisa: Morto no ta duna ten. Esei kiermen ku nos no sa ki dia ta nos dia di bai, asina ta ku no warda te na último momentu, pasobra, e ora ei ta lat anto hopi lat. Nos tin ku habri nos  wowo i realisá, ku bida ta kòrtiku i ku
mester bibé bon den kaminda di SENJOR, i no den e kaminda mundano. Esun ku tin oido skucha.

Dios ta un Dios di hopi pasenshi i ta tarda pa rabia. E no ta eksihí nos pa sigi su kaminda, ta nos mes mester sa ki kaminda nos ke skohe, pero dor ku e tin un amor asina grandi pa nos, e no ke pa nos muri sin hanja resurekshon riba dia di huisio. Pesei e ta pordoná i keda pordoná nos  mil i un biaha. Pero no pone su pasenshi na prueba, pasobra su ira tambe por ta hopi feros.Asina ta rumanan habri laga nos habri nos wowo, no tin mas siegu ku esun ku no ke mira, i no tin mas surdu ku esun ku no ke tende.

Anto tene na kuenta ku den kada mail ku nos risibí tin un mensahe
su tras. Kórda ku Dios ta huza hopi forma pa tene kontakto ku nos, i nos mester ta alerta pa kapta Su mensahenan tambe. Ku SENJOR lo drama Su bendishon riba kada un di boso, i ku Spiritu Santu por obra den kada un di boso su kurason, manera e ta obrando den di mi, habrie mi wowonan i ku mi ta hanjando poko poko  e sabiduria i konosementu di su palabranan.

Gloria na bo Santu Nòmber SENJOR. AMEN!