Siña nos konta nos dianan, Algún tempu pasá nos bisiña a fallesé den un acsidente trágiko. Ela kaba di kmpli 40 aña, i e tabata tin dos yu tiener ku su kasá. Antó ta kaba nan a kaba di traha e kas ku semper nan a soña di tin. Na momento ku nos a tende e notisia ‘ki e otro bisiña tabata serka nos. I ela bisa : ‘Ami ta bai kas serka mi kasa i mi yunan pa mi bai brasanan i bisanan kuantu mi ta stimanan’ Hopi bia ta e susesonan trágiko aki ta pone nos realisá ta kiko ta e kosnan realmente importante den nos bida Nos niun no sa kwantu mas nos tin pa biba. Toch nos ta hasi manera nos bida ta sin fin. Nos ta keda posponé kosnan importante ku nos tin pa hasi , i nos ta porba konvencé nos mes ku tin tempu pa hasinan. E filòsofó Henry David Thoreau a skirbi : ‘ Mi kera biba konsiente .... i no warda te na ora di mi morto pa mi konkluí ku mi no a biba ‘ un forma di pensa hopi sensato. Pablo por a bisa : ‘Mi a lucha e bon lucha, mi a kore e kareda te na fin i mi a mantene mi fé. No a kedami nada mas awor ku risibi e korona di hustisia ku Señor e hues hustu lo dunami dia e bini bék.... 2 Timoteo 4 :7,8 Biba kada dia si fuera ta bo delaster, tardi o tempran lo ta asina tambe. |