DANKI DIOS PA BO AMOR

Kuantu biaha nos ta keha dolo di kabes i tin otronan kansa di dolo
riba kama di morto?
     
Kuantu biaha nos ta keha ku nos no tin sapatu, i tin otronan ku no
tin ni pia te pa nan tin sapatu. Kuantu biaha nos ta keha ku nos no tin sèn, i tin otronan ku no tin
ni trabou te pa nan tin entrada fin di luna?

I kiko lo pasa si Dios tambe kuminsa keha di nos komportashon?  
Kiko lo pasa si despues ku bo a kaba di hasi orashon, Dios
kontestabu:

Bo ta yamami Dios, pero bo no ta honrami i dunami tur gloria.
Bo ta yamami Señor, pero bo no ta obedesemi.

Bo ta yamami Lus, pero bo no ta mirami.
Bo ta yamami E kaminda , pero bo no ta sigimi.

Bo ta yamami Bida, pero bo no ta deseami,
Bo ta yamami Sabi, pero bo no ta skuchami,

Bo ta yamami Riku, pero bo no ta Pidimi,
Bo ta yamami Eterno, pero bo no ta buskami,

Bo ta yamami Bondadoso, pero bo no ta konfiami,
Bo ta yamami Rey, pero bo no ta sirbimi,

Bo ta yamami e A i e Z, pero mi no tin e prome luga den bo bida,
Bo ta yamami Todopoderoso, pero bo no ta kere den mi,

Bo ta yamami Amor, pero bo no ta stimami,
Bo ta yamami Maestro, pero bo no ta siña di mi,
Bo ta yamami Bibu, pero tur dia bo ta krusifikami,

Kiko lo pasa si Dios kuminsa tira tur e kosnan aki na nos kara?
Pesei no lamenta bo suerte, pero konsidera e kosnan grandi ku tin bo
dilanti. Mateo 6 : 33 ta bisa  "No preokupa boso mes pa e dia di mañan,
pasobra e dia di mañan lo pèrkura pa e mes. Kada dia tin
sufisiente problema di e mes."

YAMA DIOS DANKI DEN TUR KOS I NO KEHA PA NADA. TUR KOS LO SALI PA BON