Oyente stop e musica prome i despues klik i skucha
Orashon ku Pr.Juano Coco.

Mi ke kordá bo ku Romanonan 10: 17 ta bisa nos ku Fé ta bini door di tende y tende e palabra di Dios.
E kurpa di Cristu mester kuminsa biba den outoridad di Dios.
Dios su palabra ta e poder creativo, y e poder creativo ta wordu producí den bo kurason y formá door di bo lenga y saká pafo door di bo boka den palabra.
Dios su poder semper ta den su palabra, pa e ta efektivo nos mester papié, confesá viktoria, confesá abundancia y deklará bendicion di Dios den bo bida.

Marco11 :23-24 ta bisa, Mi ta sigurá boso, ken ku bisa e seru ak,i hisa bo mes benta den laman y no tin duda den su kurason ku loke e bisa ta pasa, esey lo pasa tambe. Pesey mi ta bisa boso : tur loke boso resa pidi p’e, kere ku boso a hañ ‘e kaba y boso lo hañ ‘e tambe.

Train bo mes pa papia Dios su palabra riba bo bida, kada dia di bo bida.
Efesionan 5 : 1 ta bisa, unabes ku boso ta Dios su yunan stimá hasi esfuerso pa sigi su ehempel.
Jesus ta un vensedor y nos tambe ta un vensedor huntu ku né.
Proverbionan 4 :20-22 ta bisa : Mi yu tende di Mi, duna oido na mi palabranan no perde nan for di bista warda nan te den profundo di bo kurason. Na esnan ku haña nan, nan ta bida y salú.

Ora bo kuminsá papia e palabra di Dios, e ta producí sanashon y liberashon pa bo kada dia di bo bida.
Mi ke Bo kuminsá deklará bendishon di Dios riba bo bida huntu ku mi awor aki.
Hesus ta Señor riba mi spiritu, alma y kurpa.
Hesus tin poder riba mi, tur kos mi por door di Cristu Hesus ku ta fortalesé mi, Hesus ta mi sabiduría, Cristu ta hasi mi hustu den bista di Dios.
Mi tin e mente di Cristu, mi tin pensamentu di cristu.
Mi ta reskatá, mi ta salbá di tur maldishon.
Señor ta mi wardador mi no tin falta di nada.
Dios no a dunami un spiritu di miedu, ni di kobardía, pero di poder, di amor y dominio propio.

Dios ta na mi fabor, mi tin fé den Cristu, mi ta disidi di kana den fé y ta tene na mi confeshon di fé
Fé ta bini door di tende y tende e palabra di Dios.
Hesus ta desarolla mi fé, tur dia mas y mas, den su llaganan mi ta kurá.
Mi ta prohíbí tur malesa di funshona den mi kurpa tur mi órgano nan den mi kurpa ta funshona bon, den forma ku Dios a krea nan pa funshona.

Mi ta kere ku mi ta perfektamente bon, mi kurpa ta tempel di Spiritu Santu e palabra di Dios bibu ta biba den mi.
Mi ta e kurpa di Cristu y satanas no tin ningun poder riba mi, pasobra ami a vense malu ku bon.
Ami ta di Dios y mi a vense satanas, mi ta deklará ku mas grandi ta Hesus Cristu den mi ku esun ku ta den mundu.
Hesus ta Señor riba mi spiritu, mi alma y mi kurpa.
Tur kos mi por hasi door di Cristu ku ta fortalesé mi.

Señor ta mi wardador mi no tin falta di nada. Y mi Dios ta proëve tur loke mi tin mester segun su rikesa den gloria den Cristu Hesus.

Mi no tin miedu di malu pasobra Abo ta huntu ku mi Señor Bo palabra y Bo Spritu ta konfortá mi.
Mi no ta oprimí y miedu no ta yega serka di mi.
Ningun arma formá kontra mi, hamas lo prosperá, pasobra mi hustisia ta bini di Señor.

Tur loke ku mi hasi lo prosperá, pasó mi ta manera un palu plantá serka di e rieuw di awa, y mi ta librá di tur poder malu di e mundu aki.
Ningun malu lo pasa ku mi, Señor a duna su angelnan enkargo riba mi. Lo mi paga tur e flecha nan sendí di e malbado, lo mi kana riba león y kolebra y riba tur poder di e enemigu.

Mi ta permanesé den e amor di Dios y Dios ta permanesé den mi.
E malbado no por mishi ku mi, mi ta librá di e siglo malu di awor aki y mi ta sintá huntu ku Cristu den e lugá nan selestial.
Ningun plaga por yega serka di mi, Señor ta duna su angelnan enkargo riba mi y nan lo kwidámi den tur mi kamindanan.

Mi ta hasidó di e palabra di Dios, mi a wordu redimi di maldishon di ley.

Pesey mi ta prohibi kwalke malesa of enfermedad di bini riba e kurpa aki. Tur enfermedad, bakteria, tur virus ku toka mi kurpa ta muri mes ora, den e nomber di Hesus.
Tur órgano, kada tehido di mi kurpa, ta funshoná den perfekshon ku Dios a cre’é pe funshona y mi ta prohibí kwalke mal funshonamentu den mi kurpa den e nomber di Hesus.

Ami ta un vensedor. Mi a vense pa medio di e sanger di e Lamchi y e palabra di mi testimonio.
Mi ta someté mi mes kompletamente na Dios y e demoño mester huí e mester bai, mi ta resistí e diabel y e mester huí.
E palabra di Dios semper a wordu stablesé den shelu y lo wordu stablesé riba tera.

Grandi ta e pas di mi yunan, mi yunan ta salú, mi yunan ta prospero, mi yunan ta protehá pa Dios, mi yunan ta ungí, mi yunan ta santifiká, mi yunan ta salbá, mi yunan ta redimí di tur maldishon, mi yunan no tin falta di nada.

Cristu a redimi mi di maldishon di ley.
Cristu a redimi mi di pobresa.
Cristu a redimi mi di malesa.
Cristu a redimi mi di morto spiritual.
Lo mi biba y lo mi no muri.
Na luga di pobresa El a duna mi rikesa.
Mi ta sali for di tur debe awor.
Tur mi nesesidad nan ta wordu kumpli.
Mi ta prospero, Dios su rikesa ta parti di mi bida.
Mi ta paga tur mi debenan.
Mi ta wordu promové awor.
Mi ta kabes y no e rabu.
Mi ta progresá tur dia di mi bida.
Mi ta bendishoná.
Abundancia di Dios ta parti di mi bida.
Mi ta deleita mi mes den Señor y e ta dunami deseonan di mi kurason.

Door ku mi a duna lo wordu duná na mi bon midí, sakudí te ku ta basha over, hende lo dunami. Mes un midí ku mi midi hende lo midi mi. Pesey mi ta duna kontentu y lo mi risibi den abundancia y kontentu.
Gracia di Dios ta abundá den mi, mi no tin falta di nada, paso Señor ta kumpli ku tur mi nesesidad nan.

Hesus a bira pober pa ami door di su pobresa por biba den abundancia, mi a risibi abundancia.

Bendishon nan di Abraham, Isaak y Jakob ta parti di mi bida. Nos ta risibi abundancia den e nomber di Hesus.
Nos ta kere ku nos ta risibi abundancia awor aki.
Nos ta risibi prosperidad, nos ta risibi bendicion di Dios awor aki.
Señor bo ta tende nos orashon y bo ta kontestá nan bo wowo nan, ta riba nos y bo oreanan ta habri pa tende nos orashon.

Mi ta konektá na Cristu y mi ta ungí,
den tur kos ku mi hasi mi ta mas ku vensedor, pasobra mi ta permanesé den Bo, Bo palabra nan ta permanesé den mi.
Mi ta mira e manifestashon di orashon kontestá, den mi bida awor aki. Ora mi papia Bo palabra e no ta bai bini bek sin kumpli loke e tin ku hasi.

E spiritu di berdat ta permanesé den mi i e ta siña mi tur kos.
E ta guiá mi den tur berdat, mi tin e sabiduriá di Dios den mi bida y mi ta konfiá den Señor ku henter mi kurason.
Mi no ta dependé riba mi mes konosemetu, den tur mi kamindanan mi ta rekonosé i É ta dirigí mi pasonan.
Mi ta laga e palabra di Dios abundá den mi , den tur sabiduría, y mi ta sigi e bon wardador, y mi konosé su bos. E bos di un stranhero mi no ta sigi.

Hesus a bira sabiduría, hustisia, santifikashón, redenshon pa mi.
Pesey mi ta konfesá, sabiduria di Dios den mi bida.
Mi ta yená ku sabiduría di Señor.
Mi ta un creashon nobo.
Mi a wordu creá den Dios su imágen y semegansa.
Mi tin e mente di Cristu y e sabiduría di Dios ta forma mi.
Mi a risibi e spiritu di sabiduría y revelashon.
Mi no ta laga e manera di pensa di e mundu aki formá mi.
Al kontrario mi ta laga Dios transformá mi y duná mi un manera nobo di pensa.
Mi mente ta renoba a trabes di e palabra di Dios.
Mi ta crese tur dia den konosementu di Dios.
Mi ta wordu fortalesé door di e palabra di Dios.
Mi ta librá di tur podernan di skuridad.
Mi ta wordu transladá den e reino di Bo yu stimá.
Mi a náse di Dios.
Mas grandi ta Hesu Cristu den mi, ku esun ku ta den mundu.
E goso di Señor ta mi fortalesa.
Señor ta esun ku ta fortalesé mi bida.
E pas di Dios ta fortalese mi bida e pas di Dios ta kwida mi kurason y mi mente den Cristu Hesus.
Mi no ta laga niun komunikashon korupto, sali for di mi mente.
Mi no ta hasi Spiritu Santu di Dios triestu.

Tur dia di mi bida mi ta krese den Señor.
Tur dia mi ta pone mi prekupashonnan riba Hesus.

Prekupashon bai!
Duda bai!
Tristesa bai!
Soledad bai!
Amargura bai!
Rabiamentu bai!
Den nomber di Hesus.

Mi no ta laga e palabra di Dios kita for di dilanti di mi wowo nan.
Mi ta medita den dje di dia y anochi e ta sanashon pa mi bida.
Mi ta un kreyente y mi no ta duda y awe mi ta deklará e bendicion nan di Dios aki den mi bida.
Mi ta risibi ku Dios lo bendiciona mi kada dia di mi bida.
Mi ta gradisi Señor ku mi bida ta bendiciona.
Ora mi lanta mainta mi ta bendiciona, merdia mi ta bendiciona, anochi ora mi drumi mi ta bendiciona.
Y ku Dios ta protega mi, kada dia di mi bida.
Mi ta deklara ku e protekshon di Dios ta riba mi bida, riba mi kas, riba mi famia y riba tur loke mi hasi.

Tata mi ta gradisi Bo awe ku mi por a deklara e bendicion nan di Dios den mi bida y ningun arma formá kontra mi hamas por prevalesé y kada lenga ku lanta kontra mi Abo lo kondená.
Señor mi ta deklara bendicion y mi ta gradisi Bo Dios ku mi ta bendiciona kada dia di mi bida.

AMEN!