Nos ke yama bo Bon Bini riba e website di Radio Nos Bos. Nos ta apresiá bo sintonía.
Nos meta ta pa yuda bo skucha e bos di nos Dios. E Bos ku tin poder pa kambia destino i trese pas den tur situashon. E Bos pa kual tur rudia lo dobla i tur lenga lo konfesá ku Kristu ta Señor. E Bos kende Su Palabra ta sí i Amen. E Bos ku nos ta dependé di djE. Esei ta Nos Bos, e Bos di nos Dios.
Nos historia
Radio Nos Bos a kuminsa na aña 2001 ku e meta pa informá, konsientisá, entretené, eduká i enrikesé nos pueblo na Helmond. Nos a kuminsá ku e programa di radio den studio di Stads Radio Helmond. Un programashon ku tabata konsistí di mei ora di gospel, debí ku nos tabata tin solamente 1 ora di transmishón. Despues di tempu nos a risibí 1 ora más aserka i asina nos a kuminsa transmití 2 ora tur djadumingu.
Ekspanshon di nos programashon
Radio Nos Bos a sigui krese i aworaki nos a ekspandé nos programashon di 1 ora tur djadumingu pa 24 ora diario rònt mundu.
Mateo 28:18,19 (a); Hesus a aserká nan i a bisa: A entregá Mi tur outoridat riba mundu i den shelu. Bai anto i hasi e hendenan den tur nashon Mi disipel (i siña nan obedesé tur lokual ku Ami a siña boso).
Nos ta deseá bo un momentu sumamente bendishoná i plasentero den sintonía di bo radio, Radio Nos Bos. Nos orashon pa bo ta ku lo bo risibí revelashon di Dios kada un biaha ku bo skucha nos na Radio Nos Bos.
Team Radio Nos Bos
|
