Antiano i Arubiano nan ta pasa kurso di budgetering exitoso na Breda
''M'a lucha i m'a logra''

Dia 23 di april 2007 un grupo di Antiano i Arubiano a tuma nan certificado despues di a pasa e curso di budgeteren ku exito. E kurso a wordu duná door di Vicky Corthout i Nandy Willems di stichting pa sociaal-cultureel werk Vertizontaal, projekto ''M'a lucha i m'a logra''

Tabata reina un tremendo ambiente i nos por a mira ku nos hendenan ta hasi tur nan esfuerso pa bai dilanti den bida. Tur e kursista nan a realisa kon importante ta pa hiba un bon manego financiero.

Despues di entrega di sertifikado door di Wethouder di Sociale Zaken Marja Heerkens, nos por a partisipa na e buffet cu tabata bon surti. Radio Nos Bos por a hasi entrevista cu e cursista nan i tabata hopi bunita di mira nan reakshon tocante di e curso, pa tur e partisipante nan e curso aki a hasi hopi den nan bida pa ku nan financia.

Dos studiante por a conta nos cu awor aki nan sa con pa bai om cu nan cen i nan ta wak bon prome nan saka nan cen pa loko, lokual cu prome cu e curso no tabata e caso.

Radio Nos Bos ta felisita tur e kursista nan i ta desea boso tur hopi exito den futuro.